MATSENO
Ka go latela Molao wa Bokgobadingwalo bja Bosetšhaba bja Afrika Borwa le maemo a boditšhabatšhaba go boloka bokgobadingwalo le go swara direkoto gabotse, Makgobadingwalo a Bosetšhaba a swanetše go netefatša tshwaro le tirišo ya maleba ya ditshwarwa tša bokgobadingwalo. Se ke go netefatša gore direkoto ga di bewe kotsing ya gore di seke tša swarelelwa lebaka le le telele. Go fihlelela se, tirišano ya banyakišiši e a hlokega, gomme banyakišiši ka moka ba kgopelwa gore ba sware direkoto ka tlhokomelo ya godimo.
DINAKO TŠA GO BALA KA PHAPOŠING
Phapoši ya go bala e bulwa:
Mokibelo wo mongwe le wo mongwe wa mathomo le wa boraro mo kgweding 09:00-13:00
Ga go direkoto tšeo di tla kgopelwago magareng ga 10:10 le 10:15 gpna 12:15 le 13:15, goba ka morago ga 15:00.
BANYAKIŠIŠI BA BASWA
Banyakiši ba baswa ba swanetše ba ngwadišwe ka letšatši la bona la mathomo la go etela Phapoši ya go Bala. Ba tla amogela karata ya kamogelo, yeo e swanetšwego e tšweletšwe nako le nako ge monyakišiši a etela Phapoši ya go Bala.
Karata ya kamogelo e tla emišwa go šoma ka letšatši la yona la bofelo (31 Matšhe) gomme e swanetšwe e mpshafatšwe ge e ba monyakišiši o rata go tšwela pele ka go diriša Phapoši ya go Bala.
PUKWANA YA BAENG YA BOINGWADIŠO
Monyakišiši yo mongwe le yo mongwe o swanetše a saene pukwana ya baeng ya boingwadišo tšatši le lengwe le le lengwe ge a diriša lefelo leo. Pukwana yeo e ka hwetšwa khaonthareng ya Phapoši ya go Bala.
Ga go mekotlana ya matsogo, makase a mangwalo goba mekotlana efe goba efe yeo e tla bewago ke banyakišiši ka Phapošing ya go Bala. Tše ka moka di swanetšwe di bewe ka mo dilokharing tšeo di filwego go dirišetšwa mabaka a mohuta wo. Dinotlelo tša dilokhari di gona mo tesekeng yeo e lego mo lebating la ka pele la go tsena ka gare ga Phapoši ya go Bala.
GO DIRA DIKHOPI LE DITLABELO TŠA KHOMPHUTHARA
Di bitša:
khopi ya A4 ke 20c letlakala le tee
Khopi ya A3 ke 30c letlakala le tee
Digatiši tša khomphuthara ke 20c letlakala le tee
Ge monyakišiši a feditše go dira dikhopi o swanetše a tlatše foromo ya go otara gomme a e bušetše go mohlankedi wa Phapoši ya go Bala. Mohlankedi o tla mo fa lenaneotheko leo le swanetšwego le lefelwe ka tšhelete goba ka tšheke go Mongwadiši wa Bokgobadingwalo.
Banyakišiši ba tla rwala maikarabelo a ditefelo tša poso.
Ditefelo di swanetšwe di dirwe magareng ga 9:00 le 15:00
Dikhopi di tla dirwa gomme tša tla tša tšewa goba tša romelwa go banyakišiši mo nakong ya go se fete beke e tee.
Ga go dipuku tša mangwalo goba maruo (1873-1960) tšeo di tla gatišwago ka mokgwa wa khopi.
Badiredi ba Phapoši ya go Bala ba na le tokelo ya ganetša go dira dikhopi tša direkoto tšeo di senyegilego kudu.
Ga go direkoto tšeo di swanetšwego gore di ntšwhe ka gare ga faele go dirišetšwa go kopollwa.
KGOPELO YA DIREKOTO
Maksimamo wa direkoto tše 50 o ka kgopelwa ke monyakišiši ka letšatši le tee.
Dikgopelo di swanetšwe di dirwe ka go tlatša foromo ya kgopelo khaonthareng ya Phapoši ya go Bala.
Go dumeletšwe fela lepokisi le tee, puku goba faele mo tatoleng ya monyakišiši. Dibolumo tša go feta tekanyo di tla bewa godimo ga tafola ya letšatši gomme nomoro ya tafola ya monyakišiši e swanetšwe e laetšwe go laetša gore di beetšwe mang.
Ge banyakišiši ba feditše ka rekoto, ba swanetše ba e bee godimo ga Tafola ya Pušetšo.
DIREKOTO TŠE DI TSWALETŠWEGO
Go ya ka Molao wa Bokgobadingwalo bja Bosetšhaba bja Afrika Borwa, 1996 (molao wa 43 wa 1996) direkoto ka moka ka ntle le maruo le ditokumente tša kgoro di tswaleletšwe mengwaga ye 20.
Bahlankedi ba Phapoši ya go Bala ba tla lekola gore banaykišiši ga ba fiwe direkoto tše di welago ka tlase ga lebaka le.
Ge monyakišiši a rata go lebelela faele yeo e tswaleletšwego, o swanetše a dire kgopelo ka go ngwala gore a hwetše tumelelo ya go dira seo. Bahlankedi ba Phapoši ya go Bala ba ka botšišwa dipotšišo go hwetša tshedimošo ye e tseneletšego malebana le se.
GO IPEELA DIREKOTO
Direkoto di ka bewa lebaka la diiri tše 24 fela. Mo mabakeng a a itšego go ka kgonega gore o dire dipeakanyo tše di kgethegilego le moakamedi wa Phapoši ya go Bala gore o oketše nako.
Go bea direkoto, banyakišiši ba swanetše ba bee tšebišo godimo ga direkoto godimo ga Tafola ya go Boloka.
KAKARETŠO
Ditaetšo tšeo di lego ka tlase di swanetšwe di latelwe ge monyakišiši a diriša materiale wa bokgobadingwalo ka gare ga Phapoši ya go Bala:
Dipene, megalathekeng le diradio tša basepelakadinao ga tša dumelelwa ka gare ga Phapoši ya go Bala. Go dumelelwa fela diphensele.
Ke bosenyi go thalathala godimo ga rekoto efe goba efe ya bokgobadingwalo.
Ga go sejo, seno goba mmotu tšeo di tla lewago ka gare ga Phapoši ya go Bala.
Ga go direkoto goba mapokisana ao a tla bewago mo fase.
Banyakišiši ba ka se ithekge godimo ga direkoto ge ba šoma ka tšona.
Dibolumo ga tša swanelwa go gapeletšwa go bulwa gore di be dipapetla – thušo ya mohlankedi wa Phapoši ya go Bala e ka kgopelwa malebana le go dira se.
Banyakišiši ba ka se diriše dikhamera tša bona goba disekena ka ntle le ge ba filwe tumelelo yeo e itšego.
Ga go dilo tša ka ntle tšeo di ka bewago ka gare ga direkoto ka ntle le maphephe a mannyane ao a hlwekilego goba ditlabelo tša go swaya matlakala tšeo di fiwago tesekeng ya Phapoši ya go Bala.
Banyakišiši ba swanetše ba netefatše gore diatla tša bona di hlwekile pele ba ka swara materiale ofe goba ofe wa bokgobadingwalo. Go direla mehola ya maphelo, banyakišiši ba swanetše ba hlape diatla tša bona ka morago ga go swara direkoto tša bokgobadingwalo le pele ba swara dijo.
Banyakišiši ga ba swanela go šitiša banyakišiši ba bangwe ka go se be le maitshwaro a mabotse ka gare ga Phapoši ya go Bala.
Badiredi ba Phapoši ya go Bala ba fao go thuša banyakišiši, bao ba amogelwago go ikopanya le bona ge eba go na le seo ba se nago bonnete bja sona. Bokgobadingwalo bja Bosetšhaba bo hlahla ke Mehola ya Koporasi ya Kgoro ya Bokgabo le Setšo (khopi yeo e ka hwetšwago ge e kgopelwa). Se ke go netefatša gore banyakišiši ba hwetša tirelo ye kaone kudu ya badirelwa.
Re kgopela gore banyakišiši ba se dire selo seo se ka senyago direkoto gomme sa thibela meloko ya ka moso go hwetša bohwa bja bona.
